18 сакавіка 2019 г. студэнты 2 курса факультэта дашкольнай адукацыі  Галагуш А., Апенька А, Вержынская М., Сугакава А., Максімава К., Жодзік К. прынялі ўдзел у гарадскім  літаратурна-музычным мерапрыемстве "Паэтычны марафон", які адбыўся ў Дзяржаўным музеі гісторыі беларускай  літаратуры.

Паэтычны марафон" быў  прысвечаны міжнароднаму дню паэзіі. Ініцыятарам  выступіла  Іна Мікалаеўна Фралова - паэт, перакладчык, член саюза пісьменнікаў Беларусі.

Удзельнікамі марафона былі вядомыя беларускія паэты: Маляўка Мікалай Аляксандравіч (у яго выкананні прагучалі творы :"Князь Уладзімір",прысвечаны памяці Ўладзіміра Караткевіча, "Балерына", "Сваіх настаўнікаў любіць" ), Яўген Іванавіч Хвалей (яго творы: "Паводка на Нёмане", "Каштан і чаромха", "Бэз, "Ліпень" і цікавая басня "Каршун і чубатка"), Аляксандр Вашчанка – паэт і бард (выканаў песню "Серп ржавее" і інш.), Зміцер Дземідовіч (вершы "Прабуджэнне", "Буду").
Першыя два аўтары былі землякамі Я.Купалы, пра што яны з гонарам расказвалі.

Асабліва ўразілі студэнтаў творы самай маладой з паэтаў – Юліі Алейчанка ("Ураджанне", "Першы снег" і інш) і Таісіі Трафімавай, у якой амаль ўся творчасть прысвечаная Агінскаму (Вершы "Мая Фларэнцыя", "Ля помніка Агінскаму").
Марафон працягваўся 3 гадзіны. Спадзяемся на новыя цікавыя сустрэчы і развіцце плённага супрацоўніцтва Дзяржаўнага музея гісторыі беларускай літаратуры і факультэта дашкольнай адукацыі БДПУ імя М.Танка.