30 сакавіка 2022 г. на факультэце дашкольнай адукацыі ў фармаце онлайн прайшоў дзень адчыненых дзявярэй. У ходзе мерапрыемства была прадстаўлена актуальная для абітурыентаў інфармацыя аб факультэце -  спецыяльнасцях, формах і тэрмінах атрымання адукацыі, плане набору, прахадных балах у мінулым годзе, кошце платнага навучання.  Прадстаўнікі адміністрацыі факультэта   (дэкан Вольга Мікалаеўна Анцыпіровіч, а таксама намеснікі дэкана па вучэбнай рабоце Ігар Генадзьевіч Гушчынскі і Кацярына Міхайлаўна Каранец) падрабязна адказалі на шматлікія пытанні абітурыентаў і іх бацькоў, якія датычылі не толькі паступлення ва ўніверсітэт, але таксама асблівасцях навучання і студэнцкага жыцця на факульэце - вучэбных дысцыплін, пражывання ў інтэрнаце, студэнцкіх клубаў і інш. Мерапрыемства прайшло ў дабразычлівай атмасферы, а інфармацыя выклікала інтарэс у наведвальнікаў.